أخبار وطنية محرزية العبيدي: وقتلي لازم نكون أقوى من 10 رجال من أجل تونس كنت قوية
قالت محرزية العبيدي رئيسة قائمة حركة النهضة في نابل 2 في إجتماع إنعقد في قرمبالية ما يلي: "وقتلي لازم نكون أقوى من 10 رجال من أجل تونس كنت قوية"
وأضافت العبيدي قائلة: "محبة تونس ليست في بث الفتنة والتفرقة بين التونسيين.. محبة تونس صبر وسهر ليالي وعدم رد على الإستفزازات والكذب والإشاعة... محبة تونس عشناها هازين الجمر بش ما يحرقش بلادنا والشعب يعرف شكون كان يحب يطيح تونس وشكون كان يحب يبنيها ويعرف شكون كان يحب يهز تونس للفتنة والتقاتل والتسابب وشكون جابهم لمربع التفاهم والحوار.
احنا صبرنا في وقت غيرنا إستعجل وقال نحن ماناش متاع ديمقراطية، احنا صمدنا وقلنا شعبنا يستحق الديمقراطية وقتلي غيرنا قال شنعملو بالحرية وبالكرامة اعطينا لقيمة وسيبنا، احنا قلنا لا لأن شعبنا يستحق الحرية والكرامة وفداها بدمو.
التونسي من حقو التنمية ومن حقو يقري صغارو لكن هذا الكل لازم يكون في مربع الحرية والكرامة
غيرنا قال نجحوا تونس بعض على حساب بعض... احنا قلنا لا تونس لازم تنجح بأولادها الكل."
